Aktorja e njohur turke Hande Erçel është rikthyer në Stamboll për të dëshmuar në lidhje me një hetim për drogë, në të cilin ajo është një nga të dyshuarit. Ajo u paraqit në Gjykatën e Çağlayanit dhe dha një deklaratë para prokurorit, duke mohuar kategorikisht çdo lidhje me organizata të paligjshme apo përdorimin e substancave të ndaluara. Pas dëshmisë, Erçel iu nënshtrua analizave toksikologjike në Institutin e Mjekësisë Ligjore, ku iu morën mostra gjaku dhe flokësh. Hetimi përfshin 16 të dyshuar, ndër të cilët janë arrestuar 14 persona dhe janë lëshuar urdhra ndalimi për dy të tjerë, përfshirë edhe aktoren, ndërsa ajo ka shprehur besimin në drejtësinë turke dhe dëshiron që çështja të sqarohet sa më shpejt.