Haxhiu Adnan Arifi nga fshati Pirok ka ndërruar jetë papritur gjatë qëndrimit të tij në Mekë për kryerjen e ritualeve të Haxhit. Lajmi u bë i ditur nga hoxha Ahmed Kalaja dhe burime të tjera, të cilët shprehën ngushëllime të thella për familjen dhe të afërmit e të ndjerit. Pas dakordimit me familjarët, Adnan Arifi u varros në varrezat e Mekës, në tokën e bekuar ku besimtarët drejtojnë lutjet dhe mallin e tyre. Në mesazhet ngushëlluese u kërkua nga Allahu i Madhëruar të pranojë haxhin e tij dhe t’u japë durim familjarëve në këto momente të vështira.