Një ngjarje e rëndë ka ndodhur në një hotel në Benahavís, pranë Marbellës në Spanjë, ku mbi 60 turistë, përfshirë fëmijë dhe të moshuar, u dërguan në spital pas një helmimi të dyshuar nga gazrat. Incidenti ndodhi pranë pishinës së hotelit, ku një defekt teknik në sistemin e mirëmbajtjes shkaktoi çlirimin e gazrave të dëmshëm. Autoritetet shëndetësore raportuan se ndërprerësi i pompës që qarkullon klorin dhe acidin u ndërpre, duke bërë që rregullimi i nivelit të kimikateve të dështonte dhe të shkaktonte helmimin.