Qendra Klinike Universitare e Kosovës kishte paralajmëruar nisjen e renovimeve në hapësirat ku ofrohet shërbimi i hemodializës, duke kërkuar nga pacientët që të përdorin qendrat më të afërta për trajtim. Megjithatë, pothuaj një muaj pas këtij njoftimi, shërbimi i hemodializës vazhdon të ofrohet në QKUK, ndërsa renovimet nuk kanë nisur ende. Drejtori i Shëndetësisë në Prishtinë, Bujar Gashi, shpjegoi se bashkëpunimi me QKUK-në po vazhdon dhe se qendra në Kodrën e Trimave mbulon nevojat e kryeqytetit, duke ofruar edhe transport për pacientët. Ish-drejtoresha e Nefrologjisë ka shprehur shqetësim për vonesat në zhvendosjen e pacientëve, ndërsa QKUK nuk ka dhënë informacion të mëtejshëm për fillimin e punimeve apo vlerën e projektit të renovimit.