Sot shënohen 27 vjet nga rënia heroike e dëshmorit Mensur Zyberaj, një nga figurat kyçe të rezistencës së armatosur në Anadrin. Gjatë studimeve në Universitetin e Prishtinës, ai u angazhua në organizimin e rezistencës së armatosur, duke bashkëpunuar me figura të njohura të lëvizjes kombëtare dhe duke marrë pjesë në aksione sulmuese kundër forcave serbe. Në vitin 1998, ai drejtoi Shtabin Operativ Lokal të Anadrinit dhe mori pjesë në beteja të rëndësishme si ajo e Bardhatinit dhe e Lugjeve të Mileskës, ku edhe ra heroikisht në betejë më 28 maj 1999. Pas përfundimit të luftës, trupi i tij u rivarros në Drenaj të Rahovecit, duke u bërë simbol i sakrificës dhe qëndresës për lirinë e Kosovës.