Prokuroria Themelore në Pejë ka pranuar nëntë kallëzime penale ndaj 49 personave të dyshuar për manipulim të votave në zgjedhjet e 28 dhjetorit 2025. Hetimet janë në zhvillim dhe realizohen në koordinim të plotë me Policinë e Kosovës, ndërsa pritet që numri i kallëzimeve të rritet në 31 ndaj rreth 200 personave, kryesisht kryesues dhe komisionerë të vendvotimeve në komunën e Pejës. Deri tani janë intervistuar 49 persona, ndërsa pritet të intervistohen mbi 200 të tjerë në kuadër të hetimeve. Pas përfundimit të fazës konfidenciale të hetimeve, Prokurori i Shtetit do të ndërmarrë veprimet ligjore të nevojshme dhe do të njoftojë opinionin publik.