Asamblistët e Vetëvendosjes në Prishtinë kanë dorëzuar pranë hetuesisë materiale të marra nga një sinjalizues anonim, i cili pretendon se është punëtor i komunës. Këto dokumente lidhen me një aferë të legalizimeve të paligjshme në komunë, ku përmenden emra biznesesh dhe zyrtarësh, si dhe shkelje ligjore të ndryshme. Përveç kësaj, sinjalizuesi ka ngritur pretendime për transfere të shumave të mëdha parash nga Kosova drejt Britanisë së Madhe, ku autoritetet britanike thuhet se kanë nisur hetime. Vetëvendosje ka bërë kallëzim penal më 30 korrik dhe po bashkëpunon me prokurorinë për zbardhjen e plotë të këtyre çështjeve.