Një punëtor ka humbur jetën në një vendpunishte në Veternik të Prishtinës, ngjarje që ka nxitur ndërhyrjen e menjëhershme të Policisë së Kosovës, Inspektoratit të Punës dhe institucioneve të tjera përkatëse. Pas hetimeve fillestare, një person me inicialet Xh.Sh. është ndaluar për 48 orë nën dyshimin për kryerjen e veprës penale që lidhet me asgjësimin ose dëmtimin e pajisjeve mbrojtëse dhe rrezikimin e sigurisë në vendin e punës. Prokuroria po vazhdon intervistimin e dëshmitarëve dhe mbledhjen e provave për të sqaruar plotësisht rrethanat e ngjarjes. Brenda afatit ligjor do të shqyrtohet mundësia e paraqitjes së masave të sigurisë ndaj të pandehurit, ndërsa hetimet vazhdojnë në bashkëpunim me organet kompetente.