Pas ditës së 19-të të protestës qytetare në Tiranë, Policia ka nisur hetimet dhe ka proceduar penalisht 27 persona të dyshuar për veprime që kanë cenuar rendin dhe sigurinë publike. Sipas autoriteteve, këta protestues kanë bllokuar rrugët dhe kanë penguar qarkullimin e mjeteve duke tejkaluar orarin dhe perimetrin e lejuar për tubimin. Policia ka sekuestruar edhe një automjet dhe vijon punën për identifikimin e personave të tjerë përgjegjës për veprime të kundërligjshme gjatë protestës. Autoritetet bëjnë apel për respektimin e orarit dhe itinerarit të tubimeve për të mos penguar lëvizjen e lirë të qytetarëve dhe automjeteve në kryeqytet.