Hetimet në Milano për një agjenci eventesh që organizonte mbrëmje private me futbollistë profesionistë kanë zbuluar detaje të reja lidhur me përdorimin e shërbimeve të eskortave dhe luksin e jashtëzakonshëm. Rreth 70 futbollistë janë përfshirë në këto mbrëmje, ku shishet e verës kapnin vlerën e 20 mijë eurove dhe në disa raste përdorej edhe substanca narkotike që nuk lë gjurmë në kontrolle antidoping. Agjencia, e cila është nën hetim për shfrytëzim dhe favorizim të prostitucionit, ka administratorë në arrest shtëpie, por asnjë futbollist nuk është ende nën hetim. Hetimet nisën nga denoncimi i një prej vajzave të përfshira dhe kanë zbuluar se futbollistët kishin detyrime financiare që në dukje ishin për pijet, por dyshohet se në realitet shërbenin për pagesa të shërbimeve seksuale.