Prokuroria Themelore në Prishtinë po vazhdon hetimet lidhur me pretendimet për manipulim të njehsorëve elektrikë. Aktualisht nuk janë bërë publike detaje për fazën e hetimeve apo numrin e personave të intervistuar, por autoritetet konfirmojnë se po ndërmerren të gjitha masat dhe veprimet e nevojshme hetimore. Zëdhënësja e Prokurorisë, Kaltrina Shala, ka deklaruar se Departamenti i Përgjithshëm është duke zbatuar hetimet dhe se më shumë informacione priten të bëhen publike në të ardhmen. Rasti mbetet në fokus të institucioneve ligjzbatuese për të garantuar zbardhjen e plotë të ngjarjes.