Pas shembjes së dheut në një lagje të Prishtinës, Prokuroria Themelore në Prishtinë ka nisur hetimet për ngjarjen. Kryeprokurori Zjenullah Gashi ka bërë të ditur se është intervistuar pronari i kompanisë punëkryese “Klub Invest”, i cili është liruar pas intervistimit. Aktualisht po grumbullohen informata për të përcaktuar nëse ka elemente të veprës penale lidhur me shembjen e dheut. Hetimet do të zgjerohen edhe ndaj zyrtarëve komunalë, nëse konstatohet se ata kanë pasur përgjegjësi mbikëqyrëse në këtë rast.