Drejtori i Institutit të Shëndetit Publik, Dr. Shaqir Zulbeari, së bashku me ministrin e Shëndetësisë dhe drejtorin e Spitalit të Gostivarit, kanë nisur një hetim epidemiologjik për pacientët që paraqiten me simptoma gastrointestinale në këtë qytet. Ekipet e ISHP-së janë angazhuar në terren, duke marrë mostra dhe duke zhvilluar anketa për të identifikuar shkaktarin e situatës. Dr. Zulbeari u bëri thirrje qytetarëve të bashkëpunojnë me ekipet duke plotësuar anketat dhe duke kërkuar ndihmë mjekësore. Instituti do të monitorojë situatën 24 orë në ditë në bashkëpunim me institucionet shëndetësore deri në sqarimin e plotë të rastit.