Autoriteti Kombëtar i Ushqimit po vijon hetimet lidhur me helmimin e 56 studentëve të Akademisë së Sigurisë në Sauk, të cilët u trajtuan në spital pas dyshimeve për helmim ushqimor. Mostrat e ushqimeve të konsumuar janë dërguar për analizë në laboratorin e ISUV, ndërsa po testohen edhe mostrat e ujit të rrjetit dhe higjiena e ambienteve ku përgatitet ushqimi. Policia ka arrestuar kuzhinierin dhe teknologen e kompanisë së kateringut që furnizonte akademinë, ndërsa administratorja e kompanisë është shpallur në kërkim. Autoritetet vazhdojnë bashkëpunimin me institucionet shëndetësore dhe ligjzbatuese për të identifikuar burimin e helmimit dhe për të parandaluar përhapjen e mëtejshme të infeksionit.