Prokuroria në Gostivar po heton nëse gjatë periudhës së kaluar janë dorëzuar raporte të sakta apo të rreme për cilësinë e ujit, ndërkohë që hetimet janë ende në zhvillim dhe nuk ka konfirmim për saktësinë e analizave të kryera nga Qendra dhe Instituti për Shëndet Publik. Po kryhen ekspertiza shtesë për mënyrën e marrjes dhe analizimit të mostrave, si dhe po shqyrtohen të gjitha analizat e ujit të këtij dhe vitit të kaluar. Nëse konstatohet ndonjë parregullsi apo përgjegjësi, hetimi do të zgjerohet edhe ndaj personave apo institucioneve të tjera. Ndërkohë, Agjencia e Ushqimit dhe Veterinarisë ka vlerësuar ujin si të sigurt për pije bazuar në analizat e fundit, megjithatë më 13 korrik filloi rritja e pacientëve me probleme gastrointestinale, duke ngritur dyshime për cilësinë reale të ujit.