Më 18 qershor 2026, një i burgosur në Burgun e Dubravës u gjet në gjendje të rëndë shëndetësore dhe u dërgua fillimisht në Qendrën Mjekësore të Burgut, pastaj në Spitalin e Përgjithshëm të Pejës, ku mjekët konstatuan vdekjen e tij. Sipas raportit të Policisë së Kosovës, trupi i pajetë i të ndjerit, një shtetas kosovar që po vuante dënimin, u dërgua në Institutin e Mjekësisë Ligjore për obduksion me qëllim përcaktimin e shkaqeve të vdekjes. Autoritetet kompetente, përfshirë Prokurorinë dhe Policinë, kanë nisur hetimet për të sqaruar rrethanat e plota të ngjarjes. Shërbimi Korrektues i Kosovës dhe Departamenti Shëndetësor i Burgjeve kanë njoftuar se ngjarja ka ndodhur në Pavijonin D, ku janë të akomoduar personat me nevoja të veçanta, dhe dyshohet për vetëvrasje, ndërsa hetimet vazhdojnë për zbardhjen e plotë të rastit.