Ministria e Punëve të Brendshme ka nisur hetime dhe ka thirrur në biseda informative personat që përhapën në rrjetet sociale lajme për praninë e bakterit *Escherichia coli* në ujin e Shkupit, duke shkaktuar panik te qytetarët. Sektori për kriminalitet kompjuterik po identifikon profilet nga të cilat u përhapën këto informacione të rreme, ndërsa MPB-ja premton informim të mëtejshëm pas përfundimit të hetimeve. Kryetari i komunës së Shkupit, Orce Gjorgjievski, dhe institucionet përgjegjëse kanë demantuar kategorikisht praninë e baktereve në ujin e pijshëm, duke e cilësuar ujin si një nga burimet më të mira në Evropë dhe të sigurt për konsum. Ai gjithashtu ka denoncuar përpjekjet për përhapjen e panikut, duke theksuar se deponia afër burimit Rashçe po pastrohet dhe se informacionet e rreme synojnë të krijojnë shqetësim të panevojshëm te qytetarët.