Një 21-vjeçar shqiptar është vënë nën hetim nga Prokuroria e Riminit për akuzën e dhunës seksuale ndaj një turisteje gjermane 18-vjeçare, e cila ishte me pushime në bregdetin italian gjatë fundjavës së parë të korrikut. Sipas dëshmisë së vajzës, pas një nate në një diskotekë dhe konsumimit të alkoolit, i riu dyshohet se e detyroi atë të kryente marrëdhënie seksuale kundër vullnetit të saj në një plazh pranë Riminit. I riu ka mohuar akuzat, duke pretenduar se çdo afërsi ka qenë me dëshirë dhe ka dorëzuar të brendshmet e tij për analiza për të treguar pafajësinë. Prokuroria ka kërkuar zhvillimin e një incidente prove për të sqaruar rrethanat e ngjarjes, ndërsa ky është rasti i dytë i raportuar për dhunë seksuale në zonën e Riminisë brenda pak ditësh.