Prokuroria në Maqedoninë e Veriut ka ndërprerë hetimin për dyshimet e keqpërdorimeve në furnizimin me mazut, por ky vendim nuk është përfundimtar. Kompania EMV, e cila pretendon se është e dëmtuar, ka njoftuar se do të ankimojë vendimin për të rikthyer hetimin mbi keqpërdorime që arrijnë në mbi 167 milionë euro, ndërsa Prokuroria e Lartë do të shqyrtojë ankesën. Në sfond të kësaj çështjeje, LSDM ka kërkuar dorëheqjen e kryeprokurorit Nenad Saveski, duke akuzuar për ndërhyrje politike dhe bashkëpunim të tij me kryeministrin Hristijan Mickoski në drejtimin e hetimit, ndërsa presidentja Gordana Siljanovska Davkova ka shmangur komentet konkrete mbi natyrën e bisedës telefonike mes tyre. Reagime ka pasur edhe nga ministri i Drejtësisë, Igor Fillkov, i cili e ka cilësuar ndërprerjen e hetimit si një goditje për besimin në sistemin gjyqësor dhe ka kërkuar rishqyrtim të vendimit, ndërsa Këshilli i Prokurorëve ka paralajmëruar hapjen e çështjes në seancë.