Prokuroria e Lartë Publike në Shkup ka shfuqizuar vendimin për ndalimin e hetimit lidhur me furnizimin me mazut për TEC Negotinë, duke urdhëruar vazhdimin e procedurës. Hetimi përfshin 13 persona dhe një person juridik, të dyshuar për keqpërdorim të procedurave të prokurimit publik dhe pastrim parash. Shfuqizimi erdhi pas konstaktimit të dobësive në ekspertizat që mbështetën vendimin fillestar për ndërprerjen e hetimit. Prokuroria për Krim të Organizuar dhe Korrupsion është urdhëruar të mbledhë të dhëna shtesë dhe të kryejë ekspertiza të reja për të avancuar hetimin.