Ish-kryeshefi i “Prishtina Parking”, Liridon Restelica, u arrestua së bashku me dy persona të tjerë nën dyshime për falsifikim dokumentesh, mashtrim dhe legalizim të përmbajtjes së rreme në lidhje me tjetërsimin e pronave. Pas intervistimit, ai u lirua në procedurë të rregullt, ndërsa hetimet vazhdojnë. Gjatë bastisjeve në katër lokacione, përfshirë shtëpitë e të dyshuarve dhe zyrat e Kadastrit në Prishtinë, u sekuestruan prova materiale që përfshijnë vetura luksoze, orë dore Rolex dhe pajisje teknologjike. Autoritetet po hetojnë lidhur me mënyrën e jetesës dhe aktivitetet e dyshuara kriminale që lidhen me këtë rast.