Një aksident tragjik ka ndodhur në Austri, ku një 18-vjeçar nga Kosova ka humbur jetën si pasojë e përplasjes mes një kamioni dhe një veture në Zwettl an der Rodl, në rajonin Urfahr-Umgebung. Ngjarja ka ndodhur rreth mesditës në rrugën B126, në një kthesë të djathtë, ku dy automjetet janë përplasur me forcë. Drejtuesi i veturës ka mbetur i vdekur në vend pavarësisht përpjekjeve të ekipit mjekësor për ta rikthyer në jetë, ndërsa pasagjeri i tij ka pësuar lëndime të rënda dhe u desh ndërhyrja e zjarrfikësve për t’i nxjerrë nga automjeti. Autoritetet austriake po vazhdojnë hetimet për zbardhjen e plotë të rrethanave të aksidentit, ndërsa mediat lokale dhe ato nga Kosova kanë raportuar gjerësisht për ngjarjen tragjike.