Një 71-vjeçar, Preng Gjoka, ka ndërruar jetë pas një aksidenti të rëndë në aksin Lezhë-Milot, ku u godit nga një automjet tip “Benz” me targa të Kosovës. Ngjarja ndodhi më 4 korrik pranë kryqëzimit të Rriles, ndërsa i moshuari po lëvizte me biçikletë. Pas përplasjes, ai u dërgua fillimisht në Spitalin Rajonal të Lezhës dhe më pas në Spitalin e Traumës në Tiranë, por pavarësisht përpjekjeve të mjekëve, nuk arriti të mbijetojë. Policia ka shoqëruar drejtuesin e automjetit dhe vijon hetimet për të zbardhur plotësisht rrethanat dhe për të përcaktuar përgjegjësitë e aksidentit.