Një 28-vjeçar me origjinë peruane humbi jetën tragjikisht në Milano pasi u mbyt gjatë një zhytjeje në pishinën komunale “Romano”, ku kishte hyrë fshehurazi së bashku me disa miq pas orarit të mbylljes. Grupi kishte kapërcyer gardhin për të hyrë në objektin sportiv të mbyllur në zonën Città Studi, ndërsa ngjarja ndodhi mbrëmjen e 2 korrikut. Shërbimet e emergjencës mbërritën shpejt dhe tentuan ta shpëtonin, por pavarësisht përpjekjeve, i riu ndërroi jetë në spital. Autoritetet italiane kanë nisur hetimet dhe pritet të kryhet autopsia për të përcaktuar shkakun e saktë të vdekjes.