Basketbolli amerikan dhe Memphis Grizzlies janë tronditur nga vdekja e lojtarit të tyre Brandon Clarke në moshën 29-vjeçare. Klubi konfirmoi lajmin duke e përshkruar atë si një bashkëlojtar dhe person të jashtëzakonshëm, ndërsa theksoi kontributin e tij të paharrueshëm për organizatën dhe komunitetin. Shkaqet e vdekjes nuk janë bërë ende zyrtare, por mediat amerikane raportojnë se po hetohet si një rast i mundshëm i mbidozës, pasi në banesën e tij u gjetën substanca narkotike dhe pajisje të lidhura me drogën. Clarke, i cili kishte firmosur një kontratë prej 50 milionë dollarësh në 2022, kishte kaluar vite të vështira me lëndime dhe ishte arrestuar muajin e kaluar për posedim të substancave të ndaluara, duke lënë pas një karrierë të shkurtër por të spikatur në NBA.