Një 33-vjeçar i arrestuar për armëmbajtje pa leje në Kamenicë ka shkaktuar dëme të konsiderueshme në dy dhoma të ndalimit në stacionin policor, duke dëmtuar rrethojat metalike të dritareve. Policia e ka transferuar atë në një dhomë tjetër për të parandaluar dëme të mëtejshme, por ai ka vazhduar sjelljen e dhunshme. Familjarët kanë sjellë barna qetësuese për të, ndërsa ndaj tij është inicuar edhe një rast i ri për dëmtim të pasurisë. Gjatë transportimit për trajtim psikiatrik në Gjilan, i njëjti i dyshuar ka sulmuar fizikisht një polic me grusht në kokë, duke i shkaktuar lëndime trupore, dhe ndaj tij është hapur një hetim për sulm ndaj personit zyrtar.