Një i burgosur që po trajtohej në Repartin e Onkologjisë në Qendrën Klinike Universitare të Kosovës (QKUK) u arratis dje. Shërbimi Korrektues ka njoftuar Policinë lidhur me këtë ngjarje, ndërsa në vendin e ngjarjes kanë dalë njësitet përkatëse. Me vendim të prokurorit është iniciuar një rast për "mundësim të arratisjes së personit të privuar nga liria" ndaj tre zyrtarëve korrektues, të cilët janë intervistuar dhe më pas janë liruar, ndërsa procedurat vazhdojnë sipas ligjit. Rasti po trajtohet në mënyrë të rregullt dhe autoritetet po vazhdojnë hetimet për zbardhjen e plotë të ngjarjes.