Një i dënuar për “Vjedhje të Rëndë”, Florim Morina nga Malisheva, është arratisur më 27 shkurt 2026 nga Reparti i Onkologjisë në Qendrën Klinike Universitare të Kosovës (QKUK), ku po trajtohej i hospitalizuar. Ai ishte nën mbikëqyrjen e dy zyrtarëve korrektues, të cilët menjëherë pas ngjarjes janë pezulluar dhe po hetohen për mundësimin e arratisjes. Policia është në kërkim të të arratisurit, ndërsa Shërbimi Korrektues ka themeluar një komision të brendshëm hetimor administrativ për të zbardhur rrethanat dhe për të marrë masat e nevojshme. Rasti po trajtohet në procedurë të rregullt nga organet kompetente, ndërsa zyrtarët korrektues janë intervistuar si të dyshuar dhe pritet të dalin konkluzione nga hetimet në vazhdim.