Hysni Repaj, 64 vjeç, i dënuar me burgim të përjetshëm për vrasje me dashje dhe armëmbajtje pa leje, ndërron jetë në Spitalin Rajonal të Korçës pas një arresti kardiak respirator. Ai u dërgua me urgjencë në spital rreth orës 09:40, pasi gjatë një kontrolli mjekësor në burg u konstatuan rrahje të ulëta të zemrës (bradikardi). Gjatë ekzaminimeve në spital, gjendja e tij u përkeqësua dhe pavarësisht ndërhyrjes së mjekëve, ai nuk arriti të mbijetojë. Gjatë vuajtjes së dënimit, Repaj ishte trajtuar edhe për probleme të shëndetit mendor, ndërsa për ngjarjen janë njoftuar Prokuroria dhe Shërbimi për Çështjet e Brendshme dhe Ankesat, dhe pritet vijimi i procedurave për zbardhjen e plotë të rrethanave.