Vezir Haziraj, i kërkuar nga Policia e Kosovës për një tentativë vrasjeje në fshatin Orrobërd të Istogut më 7 gusht 2026, është shfaqur i armatosur në një video të publikuar në TikTok. Në pamjet e videos ai mban një armë që duket si pushkë gjuetie, ndërsa vazhdon të publikojë përmbajtje edhe gjatë kohës që ndodhet në arrati. Në një video tjetër të fundit, Haziraj shfaqet duke qarë dhe kërkon hallallin nga njerëzit e tij, duke e quajtur atë postim si të fundit që bën. Policia e Kosovës e konsideron atë të rrezikshëm dhe i bën thirrje qytetarëve të mos i afrohen, por të njoftojnë autoritetet nëse kanë informacion për vendndodhjen e tij.