Një i mitur është arrestuar në Ferizaj pasi dyshohet se ka sulmuar disa qytetarë në sheshin e qytetit, në rrugën “Dëshmorët e Kombit”. Ngjarja u raportua më 10 korrik në mëngjes, dhe policia reagoi menjëherë duke lokalizuar dhe ndaluar të dyshuarin. Sipas Policisë së Kosovës, ndaj tij janë ngritur akuza për "Vrasje në tentativë", "Sulm ndaj personit zyrtar" dhe "Vjedhje". Ai është dërguar në mbajtje me vendim të organeve kompetente, ndërsa hetimet për rrethanat e ngjarjes vazhdojnë.