Një i mitur rreth 14-15 vjeç ka shkaktuar një ngjarje të rrezikshme në Vlorë, duke mos iu bindur urdhrit për t’u ndaluar dhe duke u larguar me makinë së bashku me një bashkëmoshatar. Gjatë ndjekjes nga policia në disa zona të qytetit, ai përplasi dy automjete policie, përfshirë një makinë të forcave “Shqiponja”, duke lënë të plagosur dy efektivë që u transportuan për ndihmë mjekësore. Një nga automjetet e policisë u kthye përmbys pas përplasjes, ndërsa në aksident u përfshi edhe një makinë tjetër tip “Benz”, por pa persona të lënduar. Pas ngjarjes, i mituri u largua drejt banesës së tij dhe më pas u dorëzua në komisariat, ku policia po punon për sqarimin e plotë të rrethanave dhe vijon hetimet.