Një i moshuar është gjetur i pajetë dhe i gjakosur paraditen e sotme në zonën e Markatës në Elbasan, rreth orës 10:00. Sipas të dhënave paraprake, ai dyshohet të ketë humbur ekuilibrin dhe të jetë rrëzuar nga biçikleta gjatë lëvizjes në rrugë. Një nga pistat kryesore që po hetohet është mundësia e një problemi të papritur shëndetësor, si luhatje tensioni apo problem kardiak, që mund ta ketë shkaktuar rrëzimin. Policia dhe shërbimet përkatëse kanë nisur verifikimet në vendngjarje për të sqaruar rrethanat e ngjarjes dhe po vijojnë hetimet për zbardhjen e plotë të saj.