Një i ri nga Istogu ndodhet në gjendje të rëndë shëndetësore pas një përleshjeje ku u ther me thikë. Ai u dërgua fillimisht në spitalin e Pejës dhe më pas u transferua në Qendrën Emergjente në Prishtinë, ku ndodhet i intubuar dhe i lidhur në aparat respirator. Drejtori i Qendrës Emergjente, Naser Syla, ka bërë të ditur se pacienti po i nënshtrohet një operacioni kompleks nga ekipe të specializuara të kirurgjisë torakale, abdominale, ORL dhe anestezionit, për shkak të politraumës së rëndë që ka pësuar. Pas ndërhyrjes kirurgjikale, ai do të transferohet në njësinë e kujdesit intensiv për trajtim të mëtejshëm dhe monitorim të gjendjes së tij kritike.