Një incident dhune në familje ka ndodhur të premten mbrëma në Pejë, ku një i ri dyshohet se ka goditur motrën e tij me pëllëmbë në fytyrë pas një përplasjeje verbale brenda shtëpisë. Ngjarja ka ndodhur rreth orës 22:30 në rrugën “Abdyl Frashëri”, ku policia ka marrë informacion dhe ka shoqëruar të dyshuarin dhe viktimën në stacionin policor për procedura të mëtejshme. Viktima ka refuzuar trajtimin mjekësor, megjithatë janë evidentuar lëndime të dukshme në fytyrë, ndërsa për rastin është njoftuar edhe Qendra për Punë Sociale. Pas konsultimit me Prokurorin e Shtetit, ndaj të dyshuarit është iniciuar procedurë për veprën penale “Dhunë në familje”, dhe ai është liruar në procedurë të rregullt, ndërsa hetimet vazhdojnë.