Një 19-vjeçar shqiptar nga Hertfordshire, Henri Nikolli, është dënuar me 6 vjet e 3 muaj burg pasi tentoi të importonte një armë zjarri nga SHBA për t’i shitur në Angli. Ai porositi në mars 2025 një “paketë trajnimi për qen” që përmbante një pistoletë dhe municione, por dërgesa u ndalua nga Siguria Kombëtare. Gjatë arrestimit dhe kontrollit në banesën e tij u gjetën tri armë të modifikuara, municione, një ambient i përshtatur për kultivimin e kanabisit me mjete dhe lëndë narkotike të ndryshme, si dhe dokumente dhe video që tregonin aktivitetin e tij kriminal. Nikolli pranoi fajësinë në janar 2026, ndërsa autoritetet britanike e konsiderojnë dënimin e tij një goditje të rëndësishme ndaj krimit të organizuar dhe një mesazh të qartë kundër trafikimit të armëve dhe drogës.