Në rastin e sulmit ndaj kanalit të Ibër-Lepencit, dëshmitari Astrit Hama, zyrtar i lartë policor në Policinë e Kosovës, ka rrëfyer ndalimin e një automjeti në Zubin Potok ku ndodhej Jovan Viqentijeviqi, i cili ishte prezantuar fillimisht me emrin Zoran. Gjatë kontrollit, Viqentijeviqi ishte veshur me uniformë ngjyrë kafe dhe çizme ushtarake, dhe nuk kishte dokumente identifikimi, ndërsa kishte dy telefona të mençur dhe një zarf me para. Personi i ndaluar deklaroi se ishte i papunë, por merrte pagë nga Serbia. Gjykata vendosi që ekspertët e FBI-së dhe ata të Italisë të konsultohen jashtë seancës për analizën e ADN-së, ndërsa seancat e radhës u caktuan për shtator dhe tetor.