Një burrë rreth 70 vjeç është gjetur i vdekur më 26 mars 2026 në rrugën “Edit Durham” në Prizren, pa shenja dhune në trupin e tij. Policia e Kosovës, së bashku me ekipet hetimore dhe të krim-teknikës, ka dalë menjëherë në vendin e ngjarjes dhe ka iniciuar rastin si “hetim i vdekjes” në koordinim me prokurorin. Fillimisht viktima ishte i paidentifikuar, por pas veprimeve hetimore dhe bashkëpunimit me familjarët dhe qytetarët, është konfirmuar identiteti i tij. Trupi i pajetë është dërguar në Institutin e Mjekësisë Ligjore në Prishtinë për ekzaminime të mëtejshme, ndërsa policia falënderon mediat dhe qytetarët për ndihmën dhe bashkëpunimin gjatë hetimeve.