Një ngjarje e rëndë me plagosje të dyfishtë me armë zjarri ndodhi mbrëmjen e 8 shtatorit në zonën e Laprakës, ku u qëlluan dy persona, miq me njëri-tjetrin. Policia identifikoi brenda 24 orëve autorin e dyshuar, 36-vjeçarin Arber Krrashi, banues në Tiranë, i cili dyshohet të ketë vepruar për motive të dobëta dhe është larguar me automjet pas sulmit. Të plagosurit ndodhen jashtë rrezikut për jetën, ndërsa hetimet dhe kërkimet për kapjen e autorit vijojnë intensivisht. Materialet janë referuar Prokurorisë për veprime të mëtejshme, ndërsa specialistët e Hetimit të Krimeve të Rënda dhe Komisariati Nr. 3 po punojnë për zbardhjen e plotë të ngjarjes.