Evaristo Beccalossi, ish-legjenda e Interit dhe futbollit italian, ka ndërruar jetë në moshën 69-vjeçare në Brescia, vetëm pak ditë para se të festonte 70-vjetorin e lindjes. Ai vuante nga një sëmundje që nga fillimi i vitit 2025, ndërsa gjendja e tij u rëndua në ditët e fundit, duke u shtruar në spitalin Poliambulanza. Beccalossi ishte një nga talentet më të mëdha të futbollit italian gjatë viteve 1970 dhe 1980, duke luajtur për Interin nga viti 1978 deri në 1984, ku arriti të shënonte 30 gola në 216 ndeshje dhe fitoi një Scudetto dhe një Coppa Italia. Pas periudhës së tij me Interin, ai vazhdoi karrierën me Sampdorian, Monzën dhe përfundoi në vitin 1987 me Barlettën në Serie B, duke lënë një trashëgimi të paharrueshme në futbollin italian.