Gjykata e Lartë rrëzoi rekursin e Ilir Metës, duke vendosur që ish-presidenti të vazhdojë të qëndrojë në paraburgim. Meta kishte kërkuar heqjen e masës së sigurisë, duke argumentuar se nuk ekzistojnë kushtet për të mbajtur atë në qeli, por kërkesa e tij nuk u pranua nga gjykata supreme. Gjykata e Posaçme përfundoi seancën paraprake për Metën, ish-bashkëshorten e tij Monika Kryemadhi dhe tre të pandehur të tjerë, dhe pritet që të mërkurën e ardhshme të vendosë nëse dosja penale do të kalojë për gjykim. Ilir Metës i rëndojnë akuza për korrupsion, pastrim parash dhe fshehje pasurie.