Ish-presidenti i Shqipërisë, Ilir Meta, u paraqit sot në seancën e dytë në themel para Gjykatës së Posaçme në Tiranë, ku u shfaq i buzëqeshur dhe në formë. Gjatë hyrjes në sallë, ai përshëndeti të pranishmit me dy gishtat lart dhe formoi simbolin e shqiponjës me duar, një gjest që tërhoqi vëmendjen e medias dhe mbështetësve të tij. Seanca u ndoq me interes të madh mediatik, megjithëse mediat u lejuan të qëndrojnë vetëm për pak minuta brenda sallës së gjyqit. Procesi gjyqësor ndaj Metës po ndiqet me kujdes nga publiku, ndërsa pritet që në seancat e ardhshme të paraqiten argumente dhe prova shtesë nga palët përfshirë në çështje.