Një influencer 24-vjeçar në Florida, Jordan Aronson, është dënuar me 10 vjet burg pasi pranoi fajësinë për vrasjen e xhaxhait të tij, Scott Grebler, duke e përplasur me makinë për një palmë. Ngjarja ndodhi në qershor të vitit 2023, kur Aronson u largua me shpejtësi nga oborri i shtëpisë së xhaxhait dhe më pas u kthye për ta goditur atë, duke shkaktuar lëndime të rënda që çuan në vdekjen e 59-vjeçarit. Aronson kishte pretenduar fillimisht se xhaxhai ishte agresiv për shkak të sëmundjes së Parkinsonit, por pamjet e kamerave të sigurisë e kundërshtuan këtë version. Përveç dënimit me burg, ai do të kryejë edhe pesë vite mbikëqyrje, 50 orë shërbim në komunitet dhe një kurs për menaxhimin e zemërimit, ndërsa familja e viktimës kishte kërkuar mos ngritjen e akuzave penale.