Kauana Bilhar, influencuese braziliane 27-vjeçare, humbi jetën pasi ra nga kati i 27-të i një rrokaqielli në Dubai. Ngjarja ndodhi pak kohë pas fejesës së saj me partneren Barbara Abrantes, e cila ishte pranë saj në momentin tragjik dhe njoftoi familjen për vdekjen. Autoritetet në Dubai po hetojnë rrethanat e ngjarjes, duke mos përjashtuar asnjë pistë, përfshirë aksidentin, vetëvrasjen apo vrasjen. Nëna e Kauanës, Darla Bilhar, ka udhëtuar drejt Dubait për të ndjekur hetimet dhe për të organizuar kthimin e trupit në Brazil, ndërsa kërkon respekt për kujtimin e vajzës së saj, e cila përjetoi edhe sulme dhe komente fyese në rrjetet sociale.