Një inspektor komunal, Bujar Abazi, u sulmua fizikisht pasditen e sotme në rrugën “Malush Kosova” në Prishtinë gjatë kryerjes së detyrës zyrtare. Ngjarja filloi me kanosje nga pronari i lokalit “Free Shop AAR” dhe disa persona të tjerë ende të paidentifikuar, për të vijuar më pas me sulmin fizik ndaj inspektorit. Viktima mori trajtim mjekësor dhe u intervistua nga hetuesit, ndërsa Policia konfiskoi DVR nga kamerat e sigurisë dhe bastisi lokalin “Reina Kaffe” ku dyshohet se kanë dalë personat e përfshirë. Një person i dyshuar, F. B, është futur në kërkim policor, ndërsa rasti është iniciuar si “Sulm ndaj personit zyrtar” dhe hetimet vazhdojnë.