Një intervenim i Policisë në Pejë, i nisur pas një raportimi për probleme familjare, ka zbuluar një situatë shumë më komplekse. Gjatë kontrollit në rrugën “Sali Gjuka”, policia ka gjetur dy armë zjarri, 108 fishekë të kalibrave të ndryshëm dhe gjashtë qese me substancë të dyshuar narkotike, e cila dyshohet të jetë kokainë. I dyshuari, 37-vjeçari Driton Buquku, i cili ishte në gjendje agresive dhe me probleme shëndetësore, është dërguar për trajtim në repartin e Psikiatrisë dhe është ndaluar për 48 orë. Rasti mbetet nën hetime, ndërsa janë iniciuar procedime për posedim të paautorizuar të armëve, substancave narkotike dhe për sulm.