Gjykata e Qarkut në Varshavë ka shpallur fajtor ish-agjentin e Robert Lewandowskit, Cezary Kucharski, për shpifje dhe fyerje ndaj sulmuesit të Barcelonës. Kucharski akuzoi në mënyrë të rreme Lewandowskin dhe përfaqësuesin e tij ligjor për lidhje me krimin e organizuar, duke dëmtuar rëndë reputacionin e tyre profesional. Ai është i detyruar të paguajë një gjobë prej 20 mijë eurosh dhe të dhurojë 25 mijë euro për bamirësi. Megjithatë, ish-agjenti ka njoftuar se do të ankimojë vendimin dhe synon të vazhdojë procesin gjyqësor edhe për një dekadë, pas një beteje ligjore që përfshin edhe akuza për shantazh ndaj Lewandowskit.