Përparim Bajrami, ish-drejtori i Lotarisë Shtetërore, i dyshuar për përvetësim dhe keqpërdorim të pozitës zyrtare, ishte në arrati deri mëngjesin e sotëm. Në orën 05:35, ai u paraqit vullnetarisht dhe në këmbë pranë organeve të ndjekjes nga Kumanova, duke u dorëzuar për të përballuar procedurat ligjore. Kundër tij ishte lëshuar masa e arrestit në përputhje me nenin 354, paragrafi 5, të Kodit Penal, me kërkesë të Sektorit për Kërkime të SPB-së. Pas konfirmimit të masës, Bajrami u privua nga liria dhe do të dërgohet për procedura të mëtejshme pranë organeve kompetente.