Kryetari i Obiliqit, Halil Thaçi, ka bërë me dije se në bodrumin e ish-Shkollës Teknike janë gjetur pajisje dhe sende të dyshimta, të cilat dyshohet se janë përdorur për tentim të kultivimit të substancave narkotike. Ai ka sqaruar se nuk ka prova për varrezë masive në vendin e ngjarjes, duke u bazuar në konfirmimet e policisë dhe prokurorisë. Objekti, i cili ka funksionuar si shkollë deri në vitin 1990, ka qenë i braktisur dhe i keqpërdorur prej atëherë, duke përfshirë edhe një ambulancë të fshehur që u zbulua para dy muajsh dhe për të cilën janë njoftuar autoritetet. Aktualisht, po vazhdojnë procedurat për pastrimin dhe rikthimin e shkollës në funksionin e saj origjinal, ndërsa policia dhe prokuroria janë duke hetuar rrethanat e gjetjeve të reja.