Komuna e Istogut ka vendosur pika të veçanta grumbulluese për mbetjet që dalin nga therja e kurbaneve gjatë festës së Kurban Bajramit. Në këto pika janë vendosur kontejnerë specialë në disa lokalitete si Istog, Vrellë, Banjë, Gurrakoc, Rakosh, Saradran, Zallq dhe Studenicë, me qëllim ruajtjen e higjienës publike dhe shmangien e kundërmimit. Drejtoria e Inspeksionit Komunal në bashkëpunim me K.R.M “Ambienti” kanë paraparë një plan për mbledhjen dhe trajtimin e këtyre mbetjeve, të cilat më pas do të groposen në vende adekuate. Komuna ka bërë apel që qytetarët të mos hedhin mbetjet në vende të papërshtatshme dhe ka paralajmëruar masa ndëshkuese për shkelësit, duke theksuar rëndësinë e përgjegjësisë gjatë kësaj periudhe festive.